Gobernu Plana 2019 - 2023 Zumaia bizitzeko da

Zumaia bizitzeko moduko herria izateko helburua duten 98 proiektu eta ekimenek osatzen dute Gobernu Plana. Zumaiar guztiokin hartzen dugun konpromisoa da honakoa eta hemen kontsultatu ahal izango duzu proiektu bakoitza zertan den.

Hirigintza eta Lurralde Antolamendua

01. Hiri Antolamendurako Plan Orokorra (HAPO) idatzi eta onartzea. Datozen urteetarako Zumaiaren ezaugarriak eta lurralde antolamendua definitzen ditu plan honek, eta herritar eta eragileekin batera idatzi, eztabaidatu eta onartzea da asmoa.

02. Kirol portuko saneamendu lanak egitea, ingurua arazketa sarera lotzeko.

03. Artadiko saneamendu lanak egitea, ingurua arazketa sarera lotzeko.

04. Oikiako saneamendu lanak egitea, arazketa sarera lotzeko.

05. Santiago Hondartzan zerbitzuetarako (komunak…) eraikina egokitzeko lanak egitea.

06. Estazio auzoko plan integrala idaztea, bizilagunekin batera.

07. Erkibe eraikinarentzako erabilera egokiena erabaki eta datorren legealdirako gaiari hasiera emateko argipenak egitea.

08. Kofradiako eraikinarentzat erabilera egokiena zein den aztertzea, datorren legealdian beharrezko lanak aurrera eramateko.

09. Udal lokalen zerrenda eguneratzea eta herriko elkarteek dituzten beharrekin bateragarritasunak bilatu

Irisgarritasuna eta Mugikortasun Jasangarria

10. Estazio auzoaren eskaeren barruan, espaloiak zabaldu

11. Estazio auzoko plan integrala idatzi bitartean, tren geltokirako bidean hiritartzea.

12. Larretxoko bizilagunekin, auzoko plan integrala idaztea (irisgarritasuna, igogailu berria, espaloiak…).

13. “Zumaia irisgarria” herritar taldeak egindako txostenean jasotzen diren lan txikiak egiten joatea, oztopoa arkitektonikoak ezabatzeko.

14. Oikiako bidegorria egin dezan Gipuzkoako Foru Aldundiarekin harremanak abiatu eta aukerak aztertzea.

15. San Jose auzoko etxebizitzetan igogailuak jartzeko azterketa egitea.

Etxebizitza Politikak

16. Etxebizitza hutsen egoeraren azterketa diagnosia egitea.

17. Eusko Jaurlaritzako etxebizitza sailarekin hitzarmena izenpetzea, besteak beste ASAP, Bizigune edo Gaztelagun programak Zumaian zabaltzeko.

18. Etxebizitza hutsak merkatura ateratzeko, etxebizitza bulegoa zabaltzea. Etxejabeen eta Jaurlaritzaren ASAP eta Bizigune programen arteko bitartekaritza egiteko langile batekin.

19. Erabilera turistikoko alokairura bideratzen diren etxebizitzak arautzeko ordenantza idaztea, horien egoera legezkoa izan dadin eta urte osoko alokairura bideratzen diren etxe kopurua hazteko.

20. Etxabe eta lokalak etxebizitza bihurtzeko araudia eguneratzea.

21. Torreagako etxebizitza babestuen promozioa eraikitzea.

22. Puntanuetan alokairuko eta babestutako etxebizitza promozio berri bat eraikitzeko prozesua bideratzea.

23. Alokairurako diru laguntza eredu berria egin eta martxan jarri, hartzaile kopurua zabaltzeko.

24. Datorren legealdira begira, alokairurako parke publikoa osatzen hasteko aukerak aztertu.

Lana eta tokiko garapena

25. Coworking edo elkarlan zentroa martxan jartzea, eredua mankomunitatearekin adostuta. Auto enplegurako eta ekonomia sozial eraldatzailerako formazioa eta sinbiosi aukerak martxan jarri.

26. Merkatari txikientzako laguntzak aztertu, merkatari elkartearekin batera.

27. Ostalaritzako terrazen eta komertziotako erakustokien ordenantza eguneratzea.

28. Lehen sektoreari bultzada emateko, azoka biziberritzeko aukerak aztertu eta martxan jartzea.

29. Lehen sektorearekin elkarlana, baserritarren proiektuak kontsumitzea bultzatzeko ekimenak aztertu (esne makinaren ezarpena…)

Zerbitzu publikoak

30. Udal Brigada handitzea: Igeltsero ofizial bat eta peoi bat kontratatzea.

31. Azpikontratatuta dauden hainbat udal zerbitzu publifikatzea.

32. Udaleko plantillan behar diren langile berriak sartzea: administrari bat, bi gizarte langile eta pertsonaleko teknikaria.

33. Udaltzaingoaren eraikina eraberritzea.

34. Udal Brigadaren eta Udaltzainen ibilgailu flotak berritzea.

35. Udal langileen egonkortzerako eman daitezkeen pausuak ematen hastea, behin behinekotasun tasa jaisteko.

36. TAO zerbitzua hobetzen joatea, herritarrekin batera eta beraien ekarpenei erantzunda.

37. Zumaian zuntz optikoaren sare publikoa eratzea, etxe guztietara iristeko eta udalari sarearen erabilpenagatik ordainduta konpainia guztiek erabilgarri izan dezaten, konpetentzia handituz prezioak jaisteko. Zuntz optikoa auzoetara ere iristeko neurriak hartuko dira.

Gizarte politikak

38. Gizarte larrialdietara zuzendutako apartamentuen kokapenerako eraikin egokia bilatzea.

39. Etxebizitza sozialak sortzeko eraikinak bilatzea (Branka moduko erabilera izango dutenak).

40. Nazioarteko lankidetzarako euskal fondoarekin hitzarmena sinatzea.

41. Gizarte zerbitzuetan iraungita dauden kontratuak berritu eta egokitzea.

42. Apustu etxeak arautzeko ordenantza egin

43. Migranteen harrera protokoloa idatzi

Zahartzaro duina

44. Pobrezia arriskuan dauden pentsiodunentzat diru laguntzak jasotzeko aukera berriak sortzea.

45. Nagusientzako eguneko arreta zerbitzu berri bat martxan jartzea, menpekotasun arriskuan edota menpekotasun balorazio baremoan 25-39 arteko puntuazioa duten herritarrei autonomia eusten laguntzeko. Ohiko bizi ingurunean jarraipena egiteko eta isolamendu egoerak konpondu eta gizarteratzea laguntzeko eskainiko da zerbitzu hau.

46. Bakarrik bizi direnen etxez etxeko jarraipen zerbitzua jartzea.

Herri hezitzailea

47. Haurreskola berria eraikitzea, Arrangoletako behin behineko egoerarekin amaitzeko.

48. Ludoteka kanpoko aterpea egitea.

49. Hizkuntza eskola ofizialak bere zerbitzuak Zumaian ere eman ahal izateko aukerak aztertzea.

50. Herri Eskolako gurasoekin batera sukalde eta jantokia berritzeko beharrezko laguntza eta lanak aurrera ematea.

51. Udako bi urteko haurren zaintza zerbitzua bermatzea.

52. Txiribuelta elkarteari aurreko legealdian aginduta moduan lokala uztea.

53. Zumaia Oinherri herri hezitzaileen sarean sartzea, eta herri hezitzaile izatera bidean pausoak ematea.

54. Oikiako eskolako patio berria egitea, auzotarren eskaerak aintzat hartuta.

55. Haur parkeak berritzea.

56. Herri Eskolako Aita Mari eraikineko patioa berritzea, gune estalia eta elementu naturalak gehituz.

Kultura

57. Mojaxarren komentua eraberritu eta kulturgune bat jartzea, besteak beste musika, dantza eta antzerki eskola berria eta areto balioanitza jasoko dituena.

58. Aita Mari zinemaren jabetza eskuratu, eta beharrezko egokitzapenak egitea.

59. Musika eskolaren kudeaketa eraberritzea eta egokitzea.

60. Liburutegiaren ordutegia zabaltzea, zerbitzua hobetzeko.

Gazteria

61. Gaztetxola handitzeko aukera aztertzea

62. Gazteen parte hartzerako eta beraien ekimenerako, sormenerako, autoenplegurako edo herrigintzarako proiektuak sustatzea

Euskara

63. Udalean euskararen erabilerarekin lotutako Bikain ziurtagiria lortzea.

64. Udal barruko euskararen erabilerak gora egiteko kudeaketa plana egitea.

65. Euskararen erabilera handitzea helburu duten proiektuak eta programa zehatzak aurrera eramatea.

66. Euskarazko eskualdeko komunikabideei diru laguntzak handitzea.

Kirola

67. Kiroldegiko igerilekua handitzea, ikastaroetarako gela berriak ateratzea eta kantxaren egoera hobetzea.

68. Kiroldegiaren kudeaketa-esleipena berritzea.

69. Itsas Kiroldegian berrikuntza lanak egitea.

70. Piraguistek neguan entrenatzeko ibaira begirako fokoak ipintzea.

71. Kirol teknikaria kontratatzea.

Turismoa

72. Moilaberriko estazio zaharra eraberritu eta erabilera berrietarako martxan jartzea (Turismo bulegoa, Zumaiako Industria Ondarearen museoa…).

73. Turismo mahaia martxan jarri eta funtzionamendu erregular bat finkatzea, eraginkorra izan dadin.

74. Algorri interpretazio zentroaren materiala berritzeko Aldundiarekin adostasuna lortu eta esleipena egitea.

75. Komentuko aterpetxea egokituko da, kudeaketa modu egokiena erabaki eta martxan jartzea.

Ingurumena

76. Puntanuetako hezegunea berreskuratzea.

77. Puntanuetako kutsatutako lurrak garbitzeko beharrezko izapideak bultzatzea.

78. Urola ibaian pantalan berriak jartzea.

79. Gune berdeen zuzendaritza plana eta ordenantza idaztea.

80. Biotopoaren kudeaketa planeko neurriak martxan jartzea, Aldundiarekin elkarlanean.

81. Paroleko pistina naturala garatzeko Kosta Agintaritzarekin harremanetan jarri eta proiektua idaztea.

82. Haizeola posibleak bilatu eta errekuperatzeko indusketak martxan jartzea.

83. Energia diagnostikoa egin eta bertan ezartzen diren pausuak ematea, optimizazio energetikoarekin eta energia berriztagarriekin lotuta.

84. Urolako Itsasadarreko Plan Berezian jasotako ekintzak pixkanaka aurrera eramaten hasi.

85. Herriko argiteria LEDetara aldatzeko lanekin jarraitzea

Feminismoa

86. Udal teknikariei eta zinegotziei formakuntza feminista saioak eskaintzea.

87. Indarkeria matxistaren inguruan Udaltzainei protokolo eta formakuntza feministak azaltzeko saioak eskaintzea.

88. Sexu jazarpenari aurre egiteko udal protokoloa landu.

89. Udalean lana eta bizitza pertsonala uztartzeko dauden aukerak aztertu (telelana eta bestelako kontziliazio aukerak) eta martxan jartzea.

90. Berdintasunaren udal ordenantza idaztea.

91. Emakumeen* etxea martxan jartzea, horretarako lokal aproposena eskaini eta egokituz.

92. Liburutegian txoko feminista sortzea.

93. Emakumeek Zumaiako historian izan duten papera ikusarazteko ikerketa beka lerroa ireki.

94. Hezkidetza programa integrala osatu herriko eragileekin.

95. Genero identitatea eta sexu aniztasunari buruzko lan-lerroa martxan jartzea

96. Malen Etxearekin elkarlanean, zaintza lanaren inguruko kontzientziazio kanpainak eta ekimenak martxan jartzea.

97. Gizonek maskulinitatea lantzeko espazioak sustatzea

Parte hartzea

98. Parte hartze ordenantza idatzi, herritarren partaidetzarako eredua zehazteko